3 сентября 2026
Август-сентябрь
Чуманкасси ял библиотекинче «Улька Эльмен — пурнăç прозаикĕ» литература сехечĕ иртрĕ
2026 çулхи çурла уйăхĕнче литература пĕрлĕхĕ чăваш чаплă çыравçин Улька Эльменĕн (Ольга Куликовăн) юбилейне паллă тăвать. Çак куна халалласа Чуманкасси ял библиотекинче «Улька Эльмен — пурнăç прозаикĕ» литература сехечĕ иртрĕ. «Надежда» клуба хутшăнакансемпе, наци литературине чун-чĕререн хаклакансемпе пĕрле эпир авторăн биографийĕпе пултарулăхĕн страницисем тăрăх çул çÿрев турăмăр. Улька Эльмен паллă çыравçăн ĕçĕ-хĕлне, пултарулăхне тата хайлавĕсене тишкертĕмĕр. Тĕлпулăва «Кĕнекесем — манăн çунатсем...» тематика куравĕ илемлетрĕ. Чăваш прозин тĕнчине путнă хыççăн хутшăнакансем геройсен юратнă сюжетсене тата характерсене питĕ кăсăкланса сӳтсе яврĕç. Тĕлпулу чăннипех те хĕрӳ иртрĕ, авторăн пултарулăхĕ вулакансене тыткăнларĕ, çавăнпа та вĕсем кĕнекесене вулама киле илсе кайрĕç.
Çыравçăн кĕнекисем ǎрусене пĕрлештерсе вулакансен чĕринче малалла пурăннине мероприяти тепĕр хут çирĕплетрĕ. Библиотекарь çакăн пек тĕлпулусем ырă йăла пуласса шаннине пĕлтерчĕ, мĕншĕн тесен шăпах чĕрĕ хутшăну тата тăван сăмахпа чун-чĕререн кăсăкланни урлă вăхăтсен çыхăнăвĕ çирĕпленет, Улька Эльмен пек ǎстасен еткерлĕхĕ вара çĕнĕ вулакансем тупать.
Подробнее
Количество показов:
3